Kombëtarja italiane vijon të jetë në qendër të polemikave. Pas rikthimit të Roberto Mançinit në pankinën e “Azzurrëve”, reagime ka shkaktuar vendimi i Federatës Italiane të Futbollit për të tarifuar pamjet televizive të konferencës së prezantimit. Sipas rregullave të reja, mediat do të kenë akses në konferencë, por kamerat nuk do të lejohen. Pamjet do të prodhohen nga Federata dhe do t’u shiten televizioneve për 500 euro plus TVSH, ndërsa agjencitë do të paguajnë 1,200 euro plus TVSH.
Ky vendim është kritikuar nga sindikatat e gazetarëve, të cilat e konsiderojnë një cenim të lirisë së informimit. Ndërkohë, Presidenti i Federatës, Giovanni Malagò, ka deklaruar se kjo praktikë zbatohet që nga viti 2020 dhe se çdo gabim i mundshëm do të korrigjohet. Në një klimë tensionesh, Roberto Mançini rikthehet me objektivin për ta rikthyer Italinë mes elitës së futbollit botëror.
