Një lajm i trishtë ka ardhur mëngjesin e sotēm nga Durrësi.
Aida Kurani, pedagoge e Fakultetit të Edukimit, pranë Departamentit të Gjuhës Shqipe si dhe një prej themelueseve të Universitetit “Aleksandër Moisiu” në Durrës, ka mbyllur sytë përgjithmonë, duke lënë në dhimbje të pamatshme familjarët, miqtë dhe kolegët e shumtë.
Lajmi është njoftuar këtë mëngjes nga vetë Universiteti “Aleksandër Moisiu”, i cili në hidhërim të thellë, do t’i japë lamtumirën e fundit një kolegeje të pashoqe, siç ishte Aida.
Për vite me radhë ajo kontribuoi me përkushtim në jetën akademike dhe në formimin e brezave të studentëve, duke lënë pas një kontribut të çmuar në fushën e gjuhës shqipe dhe të arsimit. Për kolegët dhe studentët e saj, Aida Kurani do të kujtohet jo vetëm për profesionalizmin e saj, por edhe për anën e saj njerëzore, përkushtimin që tregonte në punë dhe dashamirësinë që e ka karakterizuar përgjatë gjithë jetës së saj.
“Me dhimbje të thellë, i japim lamtumirën Prof. As.Dr. Aida Kuranit, pedagoge e Fakultetit të Edukimit, pranë Departamentit të Gjuhës Shqipe, si edhe një prej themelueseve të UAMD-së, pjesë e çmuar e familjes sonë akademike. Kontributi, përkushtimi dhe gjurma që ajo la te studentët, kolegët dhe në jetën akademike të Universitetit do të kujtohen gjithmonë me respekt dhe mirënjohje”, thuhet në njoftimin e universitetit.
Aida eshte edhe motra e gazetarit te njohur Edison Kranit te cilit startnews.al i percjell ngusheshillmet e thella atij dhe familjes.
Përcjellja në banesën e fundit bëhet këtë të diel, më 30 gusht 2026, në orën 15:00, nga shtëpia e pritjes Alba, në Rrugën e Dibrës, Tiranë, drejt Tufinës. Vizitat do të zhvillohen ditën e martë dhe të mërkurë, më 1 dhe 2 shtator, në oraret 10:00-13:00 dhe 17:00-20:00.
