Viti i Ri shkollor/Rakip Suli: Në Kamëz hapën dyert 25 shkolla me standarde të BE dhe 24 çerdhe dhe kopshte. Ja URIMI për nxënësit, mësuesit dhe prinderit

Si në të gjithë vendin edhe në Kamëz dje shkollat, kopshtet dhe çerdhet kanë hapur dyert për fëmijët. Ne Kamez infrastruktura arsimore është jashtëzakonisht e mirë, mjaft cilësore dhe ploteson çdo standart të mundshëm duke qenë e njëjtë me vendet e BE. Bashkia Kamëz nën kujdesin e veçantë të kryetarit Rakip Suli ka bërë një punë mbresëlënëse sa i përket përmirësimit rrënjësor të infrastrukturës arsimore duke rikonstruktuar plotësisht dhe me cilësi objektet ekzistuese dhe ndërtuar nga fillimi dhjetra shkolla e kopshte. Veç kësaj kujdes i shtuar është patur dhe sa i përket plotësimit të kërkesave të tjera që shkollat kanë patur. Në ditën e parë të shkollës përmes postimit në rrjetin social Facebook të investimeve në arsim, kryetari i Bashkisë Kamëz Rakip Suli ka uruar fëmijët si dhe mësuesit dhe prindërit për vitin e ri shkollor.
URIMI
“Të dashur nxënës
Me rastin e fillimit të vitit të ri shkollor, ju uroj nga zemra suksese, mbarësi dhe një vit të mbushur me dije, ëndrra e arritje!
Sot, 25 shkolla, nga klasa e parë deri në të 12-tën, me standarde të Bashkimit Europian, hapin dyert për rreth 18 mijë nxënës.
Po sot, 24 çerdhe dhe kopshte, njëra më e bukur se tjetra, mirëpresin rreth 5 900 fëmijë, duke u ofruar ambiente moderne, të sigurta dhe plot ngjyra.
Një urim i veçantë për vogëlushët që ulen sot për herë të parë në bankat e shkollës. U priftë e mbara në rrugën e bukur të dijes!
Suksese nxënësve, mësuesve dhe prindërve!
Një vit të mbarë shkollor për të gjithë!”- shkruan Kryetari i Bashkise Kamez Rakip Suli.