Credins bank firmos marrëveshje me Universitetet “Aleksander Moisiu” dhe University of New York Tirana

Në kuadër të ofrimit te internshipeve dhe zhvillimin e praktikave mësimore u firmos marrëveshja më e re e bashkëpunimit mes Credins bank dhe Universitetit “Aleksander Moisiu”.
Marrëveshja u firmos nga z. Egi Santo, Drejtor i Burimeve Njerëzore në Credins bank dhe z. Shkëlqim Fortuzi, Dekan i Fakultetit të Biznesit në Universitetin “Aleksandër Moisiu”, Durrës.
Përgjatë takimit u fol edhe për mundësinë e punësimit të talenteve të reja, që e shohin sektorin bankar dhe kryesisht Credins bank, një mundësi të shkëlqyer për karrierën e tyre.
Një tjetër bashkëpunim i suksesshëm mes Credins bank dhe University of New York Tirana.
Kjo marrëveshje u nënshkrua nga z. Maltin Korkuti, Drejtor i Përgjithshëm i Credins bank dhe Prof. Dr. Ali Güneş, rektor i University of New York Tirana, në kuadër të ofrimit të praktikave të dedikuara mësimore dhe marrja e eksperiencave profesionale në industrinë bankare.
Punësimi i studentëve ekselent, ishte një tjetër pikë diskutimi, për të cilën banka Credins do të jetë gjithmonë e hapur për të mbështetur ambiciet e tyre profesionale. Credins bank, gjithmonë në mbështetje të të rinjve.