Gushti është padyshim muaji që ‘fik’ shumç angazhime dhe ndez dëshirën për pak pushime. Këto ditë të nxehta, vështirë se mund të mendojmë diçka tjetër veç dëshirës për të shijuar pak detin. Dhe sigurisht që s’ jemi të vetmit. Edhe VIP-at tanë këtë periudhë janë larguar nga Tirana në kërkim të qetësisë, detit dhe relaksit.
EFI DHEDHES
Efi Dhedhes po kalon disa ditë pushimi në Bali, destinacionin që ka zgjedhur për arratisjen e saj verore. Ish-banorja e “Big Brother VIP Albania” ka ndarë në Instagram momente nga udhëtimi, duke treguar se këtë eksperiencë po e shijon e vetme. Në publikimet e saj nuk mungojnë pamjet nga natyra tropikale dhe aktivitetet gjatë qëndrimit në ishull. Në një prej postimeve, Efi ka bërë të ditur se është përballur edhe me të ashtuquajturin “Bali Belly”, duke treguar se kjo i ka ndryshuar planet për të ndarë çdo ditë përjetimet me ndjekësit. Pavarësisht kësaj, ajo ka vijuar të publikojë momente nga pushimet, ndërsa ndjekësit kanë reaguar me komente dhe urime për udhëtimin. Deri tani, Efi nuk ka bërë të ditur se kur do të përfundojë qëndrimin në Bali, duke zgjedhur që përmes rrjeteve sociale të ndajë vetëm copëza nga kjo eksperiencë jashtë Shqipërisë.
MANJOLA NALLBANI
Manjola Nallbani po shijon ditët e verës, ndërsa në rrjetet sociale ka ndarë një fotografi pranë pishinës. Këngëtarja shfaqet në një moment relaksi, duke tërhequr vëmendjen me paraqitjen e saj fizike. Edhe pse i ka kaluar të 50-at, ajo vazhdon të jetë në formë të admirueshme, fakt që është komentuar shpesh edhe nga ndjekësit e saj. Manjola Nallbani mbetet një nga artistet më aktive në rrjetet sociale, ku herë pas here ndan me publikun momente nga përditshmëria dhe pushimet. Edhe këtë herë ajo ka zgjedhur të publikojë vetëm një fragment nga dita e saj, pa dhënë detaje për vendndodhjen apo personat që e shoqërojnë. Postimi është pritur me interes nga ndjekësit, ndërsa vëmendja është përqendruar te forma e saj fizike, e cila vazhdon të vlerësohet pavarësisht kalimit të viteve.
JONIDA MALIQI
Jonida Maliqi po shijon ditët e verës në jug të vendit, ndërsa këtë herë ka zgjedhur të ndajë me ndjekësit një moment të veçantë. Këngëtarja ka publikuar në Instagram një fotografi krah djalit të saj, Dan, i cili shfaqet shumë rrallë në postimet e saj. Edhe pse është aktive në rrjetet sociale, Jonida ka preferuar gjithmonë ta mbajë djalin larg vëmendjes mediatike, ndaj çdo fotografi me të tërheq interesin e ndjekësve. Në postimin e fundit, ajo ka zgjedhur të ndajë vetëm një copëz nga pushimet, duke e lënë në plan të parë atmosferën e qetë të ditëve pranë detit. Fotografia është pritur me komente pozitive, ndërsa shumë ndjekës kanë vlerësuar faktin që artistja ka ndarë një moment kaq personal me të birin. Përtej angazhimeve artistike, Jonida duket se këto ditë ia ka kushtuar plotësisht pushimeve dhe kohës me familjen.
XHENSILA MYRTEZAJ
Mes koncerteve dhe angazhimeve artistike, Xhensila Myrtezaj i ka bërë një pauzë ritmit të ngarkuar për t’iu kushtuar disa ditëve pushimi. Këtë verë artistja ka zgjedhur jugun, ku po kalon kohë së bashku me dy fëmijët e saj, Ajkën dhe Amenin. Në Instagram, ajo ka publikuar disa momente nga arratisja verore, duke treguar se këto ditë i janë dedikuar plotësisht familjes. Në foto ajo shihet vetëm me dy fëmijët, ndaj edhe këtë sezon veror Xhensila duket se po i shijon pushimet si një nënë “single”, duke ndarë kohën mes detit dhe fëmijëve. Pas një periudhe të ngarkuar me projekte muzikore, këto ditë relaksi duken si një mundësi për të krijuar kujtime me Ajkën dhe Amenin. Postimi është pritur me shumë reagime nga ndjekësit, të cilët kanë vlerësuar atmosferën familjare të fotografive dhe pamjet nga bregdeti shqiptar.
MONIKA LUBONJA
Monika Lubonja po shijon ditët e verës pranë detit, ndërsa në rrjetet sociale ka ndarë me ndjekësit momente nga pushimet e saj. Aktorja ka publikuar një fotografi të realizuar në një jaht, duke treguar se ka zgjedhur të kalojë kohë larg angazhimeve të përditshme. Në postimet e fundit në Instagram, Lubonja shfaqet duke shijuar atmosferën verore, ndërsa ndjekësit nuk kanë kursyer komentet dhe pëlqimet për publikimin. Monika Lubonja vazhdon të mbetet aktive në rrjetet sociale, ku herë pas here ndan me publikun momente nga përditshmëria, projektet dhe udhëtimet e saj. Edhe këtë herë ajo ka preferuar të publikojë vetëm një fragment nga pushimet, pa dhënë detaje të mëtejshme për destinacionin apo personat që e shoqërojnë.
CINDY MARINA
Vera për Cindy Marinën duket se po kalon mes detit, diellit dhe momenteve të relaksit në Shtetet e Bashkuara, ku ajo jeton prej kohësh. Modelja ka ndarë në Instagram disa fotografi të realizuara në një jaht, duke treguar një tjetër moment nga përditshmëria e saj verore. Me një paraqitje elegante dhe në formë, Cindy ka marrë menjëherë vëmendjen e ndjekësve, të cilët kanë komentuar fotot e publikuara. Jahti dhe atmosfera e detit janë bërë sfondi i zgjedhur për këto momente, ndërsa modelja ka preferuar të mos e shoqërojë publikimin me shumë detaje. E njohur për aktivitetin e saj në rrjetet sociale, Cindy Marina publikon vazhdimisht momente nga jeta në SHBA, udhëtimet, eventet dhe angazhimet e saj. Këtë herë fokusi është te ditët e verës dhe koha e kaluar në jaht, ku ajo shfaqet me një look veror dhe me stilin që e karakterizon. Fotot kanë marrë reagime nga ndjekësit, ndërsa Cindy vijon të jetë një nga personazhet shqiptare që tërheq më shumë vëmendje me postimet nga jeta e saj në Amerikë.
TUNA
Pas një periudhe të ngarkuar me angazhime muzikore, Tuna i ka dhënë vetes disa ditë relaksi në një nga destinacionet më të kërkuara ekzotike. Këngëtarja ka zgjedhur Zanzibarin për pushimet e saj, ndërsa në Instagram ka ndarë disa fotografi që kanë tërhequr menjëherë vëmendjen e ndjekësve. Në postimet e publikuara, Tuna shfaqet duke shijuar atmosferën tropikale të ishullit, ndërsa ka shoqëruar fotot edhe me një mesazh për përvojën e saj në këtë udhëtim. Pamjet kanë marrë mijëra pëlqime dhe komente, me ndjekësit që kanë vlerësuar si destinacionin ashtu edhe paraqitjen e artistes. Përtej muzikës, duket se këto ditë Tuna i ka rezervuar për pushim dhe qetësi, duke ndarë me publikun vetëm disa fragmente nga aventura e saj në Zanzibar.
