Vendi ynë do të ndikohet sot nga kushte atmosferike relativisht të paqëndrueshme. Moti parashikohet kryesisht me kthjellime, ndërsa vranësirat do të jenë të pranishme përgjatë relieveve malore, më të theksuara në jug të territorit.
Sipas parashikimit, vranësirat do të shoqërohen me reshje shiu me intensitet të ulët, si dhe me shtrëngata të izoluara në zonat jugore dhe juglindore të vendit.
Sa i përket erës, ajo do të fryjë nga drejtimi veri-verilindje, me shpejtësi mesatare rreth 8 m/s. Përgjatë vijës bregdetare dhe në zonat luginore, era pritet të forcohet herë pas here, duke arritur shpejtësinë deri në 17 m/s.
Në det, valëzimi parashikohet të jetë i forcës 3-4 ballë.
