Nga Dr.Ilir Allkja
MJAFT MË, BOLL MË !
(enough is enough)
Serbia dhe Greqia janë vendet e para në ballkan që nisin vaksinimin e popullatës ndaj COVID-19.
Serbia të hënën datë 21 dhjetor, ndërsa Greqia te shtunën date 26 dhjetor, ndërsa Shqipëria ende nuk ka një datë, megjithëse kryeministri i saj udhëtoi , kontaktoi e udhëzoi privatisht prodhuesit e vaksinës (!).
Asnjëri nga kryeministrat e ketyre vendeve nuk udhëtoi me tam-tamet e propagandës për në USA, gjoja për të kontaktuar me prodhuesit e vaksinës, por shtruan rrugën, ngritën e strukturuan zinxhirin e vaksinimit pa bujë dhe pa propagandë por realisht po fillojnë të vaksinojnë e mbrojnë stafet mjekësore, së pari.
Ndërkohë ne kemi një kryeministër gojëmadh por pa veshë, pa sy, një komitet të tredhur që i mban iso të leçiturit, dhe ndodhemi të rreshtuar përkrah vendeve afrikane, nën mëshirën e CoVax-it.
Gjithsesi edhe tek ne vaksina do të vijë prej mëshirës, siç do të shkojë tek vendet e botës së tretë, me shumë mundësi në momentet kur epidemia të jetë ndalur!
Tani mjaft më , boll më me propagandë, zotërinj !
Ju mjekët e komitetit do të mbaheni në histori si shpura groteske që i bëtë fresk marrëzisë së një kryeministri.
Ju e dini mirë që Shqipëria nuk ka as spitale, as mjekë e as qeverisje të krahasueshme me vendet e ballkanit z. Kryeministër, zotërinj komitetas, e jo standartet e Francës e Gjermanisë!
Miopia juaj na bëri fqinjë me Somalinë, e na ndau prej Greqisë, ballkanit !
Mjaft më zotërinj !
