Ditën e sotme, disa të shtëna me armë zjarri ka pasur në një lokal në Prishtinë, ku i plagosur ka mbetur një person.
Sipas informacioneve, personat e përfshirë në këtë rast janë në lidhje familjare dhëndër-vjehërr.
Ndërkaq, nga Policia e Kosovës kanë konfirmuar se rasti ka ndodhur rreth orës 18:30.
“Rreth orës 18:30 është raportuar për një gjuajtje me armë zjarri në rrugën ‘Isa Kastrati’ në Prishtinë. Menjëherë pas marrjes së informatës policia ka dalë në vendin e ngjarjes dhe ka nisur hetimet lidhur me rrethanat që karakterizojnë rastin. Bazuar në të dhënat fillestare, një person është plagosur nga arma e zjarrit”, ka thënë zëdhënësja e Policisë së Kosovës për Rajonin e Prishtinës, Flora Ahmeti.
Ahmeti ka deklaruar se personi i plagosur është dërguar në QKUK për trajtimin e nevojshëm mjekësor.
“Policia ka identifikuar një person të dyshuar lidhur me rastin në fjalë dhe i njëjti është në kërkim”, deklaroi Ahmeti./ BW/
