Forcat e Armatosura izraelite, kanë publikuar së fundmi një audio përgjimi tronditës, që sipas tyre tregon bisedën telefonike të një ushtari të Hamasit me familjarët e tij, ndërsa ky i fundit i tregonte për vrasjet që kishte kryer.
Mediat e huaja shkruajnë se i riu i mburret të atit teksa e ka telefonuar nga telefoni i një gruaje të vdekur, se ka vrarë më duart e tij 10 hebrenj, ndërsa i thotë më tej se i ka dërguar edhe pamjet e trupave të tyre në aplikacionin WhatsApp.
“Hapni WhatsApp tim tani dhe do t’i shihni të gjithë të vrarët. Babi, po të flas nga telefoni i një gruaje hebreje, e vrava dhe i vrava burrin. Kam vrarë 10 me duart e mia. Babi, 10 me duart e mia”, thuhet në përgjim.
Sipas SkyNews, përgjimi është transmetuar mbrëmjen e sotme (24 tetor) në Këshillin e Sigurimit të OKB-së nga ministri i jashtëm i Izraelit.
