Aksioni i qeverisë për prishjen e ndërtimeve të paligjshme vazhdon. Mëngjesin e së martës, kryeministri ka publikuar në rrjetet sociale pamjet nga Kepi i Rodonit. Ai bën me dije se ndërtesat e “tokës së xanun” janë prishur dhe tani po vijon puna për pastrimin e inerteve.
“Mirëmëngjes,
dhe me rivendosjen e rendit ligjor në trupin e mrekullueshëm të Kepit të Rodonit, ku u shkulën të gjitha ngrehinat e ‘tokës së xanun’ e ku tanimë forcat e xhenjos po pastrojnë volumet e mëdha të inerteve, si edhe me vullnetin e plotë për ta vazhduar këtë kthesë të re për Rilindjen Urbane 2.0, ju uroj një ditë të mbarë!”, shkruan Rama.
