Z. Maltin Korkuti, CEO i Credins bank dhe Znj. Gertjana Drita, Drejtoreshë Ekzekutive e ADGF, nënshkruan sot marrëveshjen e re të garancisë në kuadër të programit “EU Western Balkans Guarantee”.
Si një iniciativë e mbështetur nga Bashkimi Europian për forcimin e aksesit në financim për bizneset shqiptare, ky instrument garancie synon të mbështesë sipërmarrjet mikro, të vogla dhe të mesme (MSME), duke krijuar më shumë mundësi financimi, më shumë investime dhe më shumë hapësira për zhvillim të qëndrueshëm ekonomik në vend.
Iniciativa të tilla të rëndësishme janë njëherazi edhe një mundësi e shkëlqyer për krijimin e vendeve të punës dhe për afrimin edhe më tej të ekonomisë shqiptare me standardet europiane.
