Deri më tani, policia shihet e tërhequr dhe ka bërë thirrje që tubimi të vijojë paqësisht
Para godinës së Ministrisë së Arsimit vijojnë tensionet teksa qytetarët po hedhin lëndë piroteknike dhe gurë me llastiqe. Deri më tani, policia shihet e tërhequr dhe ka bërë thirrje që tubimi të vijojë paqësisht.
“Të nderuar qytetarë, protestoni në mënyrë paqësore. Mos hidhni lëndë piroteknike dhe armë të ftohta. Rrezikoni jetën e efektivëve. Përndryshe, policia do detyrohet të përdorë dhunë”– ka qenë paralajmërimi i forcave të rendit.
Të rinjtë u kanë vendosur zjarrin disa koshave, kanë ndezur flakadanë dhe kanë hedhur lëndë piroteknike drejt godinës së ministrisë. Po ashtu, kanë hedhur gurë me llastiqe drejt policisë. Policia po qëndron në gadishmëri, teksa pranë Ministrisë së Arsimit qëndrojnë dy makina ujëhedhëse.
