Zbulohen detaje të reja nga krimi në familje që tronditi Fierin. Fotoja e mëposhtme tregon banesën ku 29-vjeçari Demokrat Medinaj vrau me thikë bashkëshorten e tij, 28 vjeçaren Irvana Medinaj.
Pas krimit tronditës i riu është larguar nga banesa, ndërsa policia ka ngritur postblloqe për kapjen e tij.
Mësohet se çifti ka dy fëmijë të mitur dhe dyshohet se vrasja e bashkëshortes mund të ketë ndodhur nga një konflikt i çastit
Policia njofton se ngjarja e rëndë ka ndodhur rreth orës 17:20, në lagjen “Sheq i Madh”, në banesën e çiftit, ku 29-vjeçari ka goditur me mjet të mprehtë( thikë), bashkëshorten e tij, e cila ka ndërruar jetë.
