“Sunny Hill Festival” kulmon me Calvin Harrisin dhe hitin e Dua Lipës

0

Ishte realizuar një vit më parë pa menduar se një ditë do të bënte për vete mijëra adhurues në vendlindjen e këngëtares. Kënga “One Kiss” e producentit skocez, Calvin Harris, dhe Dua Lipës ka qenë momenti kulmor i natës së tretë të “Sunny Hill Fesitval”, shkruan sot Koha Ditore.

Sikundër suksesi i saj në “Brittish Awards” ku kishte fituar çmimin “Best British Single” dhe më pas kishte thyer rekord si më e shitura e vitit, kjo këngë është kënduar në kor nga pjesa më e madhe e të pranishmëve në natën finale që përmbylli edicionin e dytë të Festivalit “Sunny Hill”. Ishte ora 23:58 kur mes efekteve të koreografuara të ndriçimit dhe makinave tymuese doli artistja Dua Lipa, emri i së cilës është bërë identifikim për Festivalin që sjell yjet botërorë në Prishtinë.

Loading...

Për më shumë se një orë pas mesnatës, DJ skocez Calvin Harris ka elektrizuar atmosferën në Parkun e “Gërmisë” duke e bërë publikun të vallëzonte nën tingujt unikë të përftuar nga bitsat që kalonin qartazi nga një këngë në tjetrën.

Fitues i disa çmimeve në “Brit Awards”, DJ 34-vjeçar gjatë performancës ka lëshuar edhe këngën e tij të njohur “Summer”, e realizuar në vitin 2014 dhe e nominuar një vit më vonë në “Brit Awards”.

Pjesë e repertorit të tij në skenën gjigante të “Gërmisë” ishin edhe këngët e tij të njohura “How deep is your love” nga Disciples dhe “Blame” në bashkëpunim me John Newman.

 

Loading...

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.