Klodi dhe Elijona kanë konfirmuar publikisht ndarjen e tyre, ndërsa ende nuk kanë bërë të ditur arsyen konkrete që çoi në përfundimin e lidhjes.
Elijona ka konfirmuar se marrëdhënia ka marrë fund, ndërsa Klodi ka mohuar se tradhtia ka qenë shkak i ndarjes.
Sipas Prive By LS, kriza mes çiftit kishte nisur që në muajin gusht. Burime pranë situatës bëjnë me dije se vendimi për t’i dhënë fund lidhjes ka ardhur nga Elijona, pas disa rrethanave që, sipas tyre, kanë qenë të vështira për t’u kapërcyer.
Megjithatë, arsyeja e saktë e ndarjes nuk është bërë publike. As Klodi dhe as Elijona nuk kanë dhënë detaje të mëtejshme për atë që ka ndodhur mes tyre.
Sipas të njëjtave burime, ndarja nuk po përjetohet lehtë nga asnjëri prej tyre, ndërsa për momentin të dy kanë zgjedhur të mos flasin më shumë për fundin e lidhjes.
